الجديد جديد والقديم قديم ومن الاخير

عقدات طرش مبلولات ***** عقد العين فى صوب القدم

شور جديد انشيل رحيلي ..... وانت يا القديم ادعيلي

مايلومنا قديم بلوم @احقوق الغلا وافيلا

ماتوجع انكان قديم @اللي خذوه ياريت ينفعوا

حتى و الفراق اقسام ... اللوم عالقديمين دايره

كبير فى الصغير ايقود .. ضنا قديم ياعين ايسى

املكوا خاطرى وخذوه ... اقدم فى غلاهم منعمى

يا ريت يدفنوه احداي ... قديمي اللّي أقسامه باعدن

خذيت ياجديد بداي @ماالبوره اللي فيهم اقدم

غلا قديم كيف الروح @ابيومها اتموت ولاانتسي

اوحلت في غلا القديم ... علي جديد ياقلب دلني

إن هانت على إيهون ... قديم كيف عينى ليمينه

عليش فارعين العقل ... ضموه ياقديمين شوركم

يجريلي جديد بصوب== مرهون قلت له مابالها

قديمك غني ياعين== لو كان غير مرهون يرتجى

العقل دار صوب جديد **** مجبور مو كريه فى القدم
بعدى ويش درتوا فيه **** قديم وين لاقانى بكا

الله لايردك يالقديم...........إنكان الرده بالتلويم

شبوب جديد عليش يبد... قديم عجاجه مالا حد

اقعد مطامن يا لقديـــــــــم...علي عقلي ماجاك خصيــــــــم

كبيه يا العين الدمع ==على قديم داره مقابله

لوكان ياقديم تريد *** العقل ماعطيته للجدد

زائر

انسيتك يالقديم خلاص... اتخطم كيفك كيف الناس

عمرك ريت جديد اصغير* * * * * فى لذعات قديم ايطير

يالقديم رهنتك روحي ... والتخليص افداك أجروحي

موش امغير حسوفة نقا... قديمي فيد الغير انحقا