شن وضعك العاطفي حالياً؟؟؟

تذكير بمساهمة فاتح الموضوع :

هذا الموضوع تقدر فيه اتعبر عن حالتك العاطفيةاو النفسية الحالية بغناوة علم او شتاوه

يعني اكتب اى شئ من تأليفك او اقتبس بكلمات اتكون قريبه من حالتك ........

وتوا انا بنبدا معاكم

وحالتى اليوم اتقول :::

نا وعزيز اليوم الباين ..... [ندعوك للتسجيل في المنتدى أو التعريف بنفسك لمعاينة هذه الصورة] .... كلتنا ع لخر هاين

اتمنا تواصلكم معى

للة في عزيز اتعبي ...توازى غلانا وانتهت

الحياة امغير عذاب العقل ** لو شراء الموت خيرله

عيش الدنيا صح ابجوك...واللي فاتك ياخذ سوك

لله غالب مابت تنساه عيني مكتوبه ترجاه

انساهم اللي نسيوك ..واشقا ابكبر نيران غيرهم

ولع يا كنون اولفي والواهم يحسبك طفي

صاحب صوب عطاني وده*** ياخد روحي كان اتسده

صاحب صوب ايريد الدنوا لوكان غير يا عين تعلمي

الى الذيب
يامولاي اجبر خاطرها بسياق يحوس حاجرها

حتي لو بكيت العمر مانجيب للي راحت علي

صاحب صوب عطيتا حقا....كان قرضني تقعد نقة

يا لولاف ذراي امعاكم .. ضدي جاي علي دنواكم

عزيز هو رفيق العمر .... يقصر ايطول مايوم ينتسى

ديما في لولاف انرضي....غير عطيب عرفتة حظي

الله لا ايجيب نهار *** اعزاز فيه يبقو لغيرنا

رفاقة نهار وليل ****تموا اعزاز ديمه عالنظر

حلال ياجيد عليك العقل كان طلته من الاقدام

قديم استخسر في الحن..................انسيتة والحق علي من

.... نجكم ....

اما عزيز اما عزم اما موت ياالله جيبلي

العقل تاب عالولاف ... امرار الغلا ضاق ياعلم

اعزاز ياالعين اعزاز **مو ساهل علينا افرقهم

البعد حايزك ياعين .. وارياف ع الغوالى قاتلك

ارياف ع الغالي قاتله عيني تبكي علي الشاغلها

اغليت نين ملكت الروح ... وهنت نين ماعاد نعرفك

علي مانشد لايوم ..........عزيز قيس عقله امريحة

» هل أنت راض عن وضعك في المنتدى؟؟
» لون الشفاه يدل على وضعك الصحي
» العاطفي بين الزوجين
» النقص العاطفي دعوه للنقاش
» دورة مهارات تقوية الذاكرة وتنمية الذات والذكاء العاطفي والوجداني ( بروتيك للتدريب )