غناوة شتاوة*******

مرضي بالبكا داويت..بريت و البكا تمالي مرض

بريت من داها ببكاها ..غير بكاها تما داها
** ** ** **
الرايق يقول قصير..مطول الليل علي مارقد

ليل طويل اقصر ع الرايق..واطاول ع البال الضايق
** ** ** **
نحسابه الا بريان..كروضمايده سال جرحهم

جرح العين اكثرتبديده..رشح من يالا الضميده
** ** ** **
ماعزا ترجو فيه..الخاطر اللي جاه يقرضه

اجارن جاي وقولن حيه..انظر تصلن ماتصلن فيه
** ** ** **
كريت الغطا بشويش..وبكيت نين فشيت خاطري

امقلل يالعزيزهناي..اتجيني وين انكر غطاي
** ** ** **
تنهال يا شديد العزم..مطرا الدار لوكان نجبدو

مطرا الدار ان جبنا نقه..وين العقل اللي يتقه
** ** ** **
الياس وارثه ميراث..جدي مات ولبوي عقبه

جدك مات اقطع تعقيبه ..خلالك ياس اتشاكيبه
** ** ** **
في النيران بثقلك طايح..ما جيتك عطاي نصايح

خليني في نار الغالي..مالك يا البعيد و مالي
** ** ** **
اتريدك اتهون تغلا..امغير ياعزيز ايش درتلي

ايش اللي درتا يامرهون..اتزيد غلا مابيت اتهون
** ** ** **
قلنا لك غني ياعين..قلتي وين ..قلنالك خطر

غني قلنالك قلتي وين..تهايا قلنالك ياعين
** ** ** **
ايجيني انخاف كي ننساه..و انخاف كي نرجاه مايجي

اتغيب علي بعد نرجاك..انخاف اتجيني كي ننساك
** ** ** **
عزيز من دناه ايست..وانريد غير طاريه سادني

عزيز ايسنا من دنواه..ايسد و يكفينا طرواه
** ** ** **
انسامح ايجن لخرات..اوحلت في سواياك ياغني

انسامح ويجني لخرات..سوايا تمن متبعات
** ** ** **
ربيع ياعزيز غلاك..انداس قبل ياخذ غايته

انداس ربيع المرهونين..وهو دوبه طالق ياعين
** ** ** **
ناسي و ناس عزيز..اجارو علي ضيعة الغلا

ناس عزيز و ناسي كنهم..ديما كل عطيبه منهم
** ** ** **
خليلي اخلي بي خان..خلاني خلا خانه الله

خليلي وين اخلي بي خان..خلا خلاني حبه هان
** ** ** **
اسيول دمع يوم خطاه ..محن جميع ماجا اصدافن

يوم خطاه اسيول ايجرن..في الحيط وفي الناس ايكرن