حكاية غناوة

موضوع: حكاية غناوة الخميس أكتوبر 08, 2009 9:30 pm

تذكير بمساهمة فاتح الموضوع :

[b]حكاية غناوة

:7ث7889:

أننا نقوم بطرح غناوي العلم في هذا القسم وهي كثيرة فبعضها مفهوم وبعضها يكون صعب الفهم ولكن عندما نعرف قصة أو حكاية كل غناوه فإنها تصبح سهلة الفهم ، ويزيد ذلك من جمال الغناوة لذا فكرت في أن اطرح موضوع نكتب فيه الغناوة مع حكايتها أو قصتها ....

[ندعوك للتسجيل في المنتدى أو التعريف بنفسك لمعاينة هذه الصورة]

وأتمنى أن ينال الموضوع إعجابكم وراضكم وفقط بكم انتم يتم الموضوع ويزداد جمال ، و أرجو من المشاركين أن يلتزموا بالموضوع فلا يتم عرض أي غناوة ألا مع حكايتها .

[ندعوك للتسجيل في المنتدى أو التعريف بنفسك لمعاينة هذه الصورة]

لكم مني كل الود والاحترام ......

[ندعوك للتسجيل في المنتدى أو التعريف بنفسك لمعاينة هذه الصورة] [/b]

كان فيه امجلم وكان حاضره الكتربيل عبد الكافي وكان غناي من مطروح وعندما تباوعت احد الفتيات من خلف الرواق فشبحها هدا الغناي وقال
نسقيك من شراب النيل....لوكان ياالطوقه اتوالفي
وسيد الصوب فهم ايش يقصد الغناي ورد عليه
تستاهل اكتاف ودبح ......اللي توالف حولي مو الها

موضوع: رد: حكاية غناوة الخميس يوليو 29, 2010 7:47 am

حكاية غناوه
موضوع جميل بصدق مشكوره على الموضوع
قصة الغناوه
كان فى راجل فقير يحب بنت اسمها حفصه وهى بنت الشيخ هلال ورغم فقره تقدم لخطبتها ووافق الشيخ بشرط ان يقدم مهر مبلغ كبير من المال وعشرة جمال والمشكله انه فقير لايقدر على هذا المهر فقال :
ياقلت مال وعشر جمال ** يزفن حفصه بنت هلال
ياقلت مال وعشر جمال ** يجيبن حفصه بنت هلال

راجل طلب من رفيقته تطلبله وليه يبي يزوج عليها المهم الوليه مشت وردت بقولت مافيش قسم وساعة الطقره اللي هو وقت العشيه قعد ايلقم في الشاهي ويقذر ايقول

امغير هو صهيد النار ............. داواي داي ما جا ع الوجع

خذت منه اللقام وتمت اتهاجي فيه وتقول

وهو مريض داويناه .......... وانسي جميلنا وين ما بري

موضوع: رد: حكاية غناوة السبت أغسطس 07, 2010 8:55 pm

الغناي حميد بوفرعه السعيطي ...

كان في قعده في مدينه بنغازي وكان الجو حار فكانت القعده في الهواء الطلق في الشارع وبعد بدئو الغنايه بغناء لفت انتباه الغناي حميد السعيطي بانه هناك بنت تلقي السمع مع الشباك في عماره جنبي اهل الفرح فقال ..

مامن غلا لفوق *** يشارف وماقادر ايجي

قويه يا الجارح

مره واحد سكنلي برسائل ع التليفون والله ماعرفته المهم نذكر اني قتله

في سريب ايجيب الغيبه ............ خايف من روحي نحكيبه

رد قال

طريولي لولاف غنايا ............ بكاي ونبي بكايا

قتله

موش خفيف اتراب الخاطر نين ............ ايناييلك ياقاطر

افهمني وعرف اني من ورا التليفون مانيش عارفه من وعرف اني خايف ان هلي يختبرو في وقف وماعش دز اي رساله ولي اربع سنين نبي نعرفه ماعرفتش

بصراحة موضوع رائع من الاخير ..................ونتمنى المزيد والمفيد من الابداع والتالق شكرا شكرا شكرا ........

جمييييييييييييل جدا هذه الغناوى الرائعة اليكم تحياتى :w4545: :fytfuy:

الله ينور عليكم بجد متعتونا ونامل فى المزيد مشكوووووورين

موضوع: رد: حكاية غناوة السبت أبريل 09, 2011 1:43 pm

الحمد لله انكم منورين حكاية غناوة - صفحة 4 654888

[b]اهلا وسهلا بيكم منوريييييييييييييييييييييييييين اوى

[url][/url]

قصة حب قديمة لم استطع نسيانها وكنت لا اشعر انى وجدت غناوة تعبر عنى فحاولت ان اقول غناوة
اتمنى ان تعجبكم (لست غناى )

الجرح كل يوم ايزيد.. فلخاطر سطير وعورضه

تحياتى لكم

من اجمل المعلقات التى قالها الشتايا والغنايا فى حياه عبد الكافي(سيد الصوب)

عاشور بوجازيه
سهاري قديم الصوب.........اسماح غير عدا وقتهن.....

علي طاهر حوا
امعاه ما انجيبو علم........عزيز نين قسنا عازته.....

حميد السعيطى
بلاه ما انقول اثمره.......فتاش خاطري غايب علي.....

عقيله فرج
كل مكان عليه انجبي......ننظر فيه عزيز امصبى....

عيسي الفاخري
كل ملم انظنك قاعد.......وانت يا غالي متباعد.......

سالم مسعود
ننظر دوش انجي متعامى....نحساب الغالي قدامي.....
عزيز اسملا عالنظار........بعد نمشي نلقالا دار.......
عزيز امخلفلي وسواس......عليه انفتش بين الناس.....

انشاء الله ينـــــــــــــــــــــــــــــــــــــــــــال الموضوع أعجابـــــــكم....مع تحياتى الي الجميع