شتاوي و غناوي ع الأهل و الخوت, سلم هلنا ما نجدوا ....

مشاركة حلوة دبدوبه ...

أنعنك ما أتغيبي يا الام ***** الحوش علينا ما أيظلم

الناس أتهد علينا هد **** علي سيرت بونا و الجد

حتى كان الزين تواره **** سلم ما عقب في داره

غناني عالخرين .. عندي وخي ياناس سادني
انشد يا اللي تريد نباهم ‏..‏ هلنا في الجامع تلقاهم
كبير العيلة و الصريف . . . أجعنه نواره ما يصيف

أنعنك يا بونه ما أتطيح . . . ذرانا في الشمس و في الريح

بونا عز و عزه دايم . . . كيف الصقر علينا حايم

مربينا بو كاط نظيف . . . علينا ما جابو تخريف

يا سلم أرجالك يا عين . . . أتقول حواجب مقرونين

يا نشاد علي أنريدك . . . لا تمرض لا سو أيصيدك

يا قرعة لنظار أنعنك . . . ليام الشينة ما يجنك

هلنا كيف جوامع مكة . . . كل الزين عليهم تكى

يا نجي خوتي و المينة . . . كيف الشمس أتطل علينا

سلم بوك أمعلي شطك . . . ما خلاش الموج أيلطك

أنشاء الله ما يخلى مطراحه . . . خشاش الصحراء بسلاحه

سلم ما خلف بابانا . . . يمشوا كيف الجيش ورانا

حتى كان الزين تواره . . . سلم ما عقب في داره

سلم بونا داير صيت . . . علينا أمظلل كيف البيت

الناس أتهد علينا هد . . . علي سيرت بونا و الجد

الناس علنا تداعك . . . قبايل من هك و من هك

يا سلم خال ذراريا . . . عطاي العشرة و المية

أنشاء الله ما يغيبش عنا . . . ربيع العين ولد حنا

ربيع العين ولد روحي . . . يامداوي قلبي و جروحي

دوم عليا زرعي سبل . . . بعد أسنين و هو يذبل

دوم علي الزرع تعلى . . . و ندير الشاهي في ظلة

عيني سلم أرجالها . . . خلوها رايق حالها

يا سلم خويا و وليته . . . هلي ع الخير أمداعيته

أنعنك ما أتغيبي يا الام . . . الحوش علينا ما أيظلم

نبوكم عزوه يا هلنا .. كان قساميكم خطينا

والله سلام الايدى الى كتبت الموضوع