اي فاهق وسع علي خاطرك بس

تذكير بمساهمة فاتح الموضوع :

صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس
العقل ماعليك ايغفل.... قليل خير كان هو دارها
لعقل ماعطوه حقوق""" اصحاب الغلا ضالمينه

انخاف فى عقاب العمر.... على قديم عينى اتردبي

إينوس خاطري مهيوس''' من يآس ناس كانو له ونس.

يا خسارة الغلا اللي ضاع .... عزيز كى تعاميت باعني

لو كان غير جاني نوم .. يا عزيز راني حلمت بك
أسحى ياعزيز تهون........ راني عليك عاديت العرب

سريب ناس كانوا صوب البارح منامى جابهم....

ذابت عليه الكبد .... قديم غير ياعين ماقسم

أبحيل يا نصيب اجهدك ... صبي معاي راني انريدهم

عثان دايرة واتسوق""" بالعرض يامراهين ناركم

كمل امعاثرة واطياح""" ممشاى ياغنايا شوركم

هذا اكيد نقطه في بحر اللي عندكم وسع علي خاطرك :lol!:

يالقديم الاي تفتلها ** تلقا في الخاطر زازلها

تحياتي اخي الجارح

... ياالعزيز ومانك دارى *** وين اتغيب اندير طوارى ...

... ياالعزيز اصحى تغدربى *** راك غطاى ونومى وشربى ...

... يرجانى ونا نرجاه *** عزيز كان فى نيته رفقتى ...

واجب عليه القدر""" العقل وين ما صوبه حتـــــــم

شاوي عليك الدمع"""" ولا عزيز يا عين ناسيـــــــة

كان القيت الاي ينصحني ** ماخليتا نين جرحني

يا اللي طال علي اغيابك """" نين انموت ونا نشلابك

لو جابتم قوله يانا """" ما والي فارق حبانه

مشكورين علي مجهوداتكم

اعزاز والفوا ع البعد .. يا العين هذى ديرى احسابها

تقبل مروري الجارح

فـــــــــــــــــــافــــــــــي

والله عجزت على التعبير وكتابه اى شى والله تسلم ايديكم كلكم وخذوا منى
انعنك ياخوان غلاى كراسى سهريتك يلاى
انعنك ياخوان وعودى امك تبكى وتقول ودودى
لى خانك وانت وافيله عطى حادث ليل اشيله
ازعمه كى ايجيك النوم نخطر عليك ياخاطر على
ابكى ياعين وشيلى الصوت عزيز ميت فى غيرك موت
فينا طمعنهم نحن دار خطا واجد سمحنا
يا قلب يكفى هم ماله داعى تسطيرك عقاب الليل زاد اوجاعى والليل ماطوله

ومشكوين اخونى

اتباتي في قولت ننساه .تنوضي وتقولي نرجاه
خونة بعد الامان ..يخونك مرض ملا دواء
صبيت نريد نودعهم ...مدولي روؤس صوابعهم

لوعات واجدة جربت ...ناريته الاوله هي الماكنة
وين لقيته ....يلي بيه صوبي نسيته ...عليه دلني هالعزم وين لقيته
ومشكور جدا علي توسيعة الخاطر ومزيدا من التقدم

مالياس و الغلا يا عيـــن *** تقهيرك اللى جاك سادك

ديمة توسيعة الخاطر يالاك يالجارح ........

تحياتي .. اخوك الولهان

لقسام يا عزيز احترن **لهن زمان فينا يظلمن

اللي اقسملنا طلناه **والباقي غبا نار تاكله

الصوب غير حرق قلوب ** قليل وين لولاف يقسموا

منور يا ولهان وديما في تالق انشاء الله

... كنكن يالقسام اتودن *** فى ناس وفى ناس اتردن ...

... اللى تقسملى نا والعين *** انريد انعدى منها وين ...

... بالحيل يانصيب اجهدك *** صبى امعاى رانى انريدهم ...

.. تحياتى ..

دمــــــــــــــــــ الوردـــــــــــــوع

... اعزاز عقلى بيش ايسالوه *** كفيف اطرش وابكم خلوه ...

لقسام يظلمن فى ناس ويعطن ناس ياماعندهم
لقسام مش نهايه لامر عليش ضايقه بيك دنيتك
:(

لقسام والغلا والعمر هذين فى موالى امرهن

... غلانا من عين المعيان *** مشى فى قوله كان وكان ...

.. تحياتى ..

غلاك فى عطيب الناس خلاك مضحكه ياخ_______________________اطرى
تحياتى

" بكيت فيك نين ابطلت *** انجاك عزيز يا دار اشهدى "

تحياتي ,,

... سبحانه اللى وازوه *** غلاك من غلانا وانعزل ...

... حطيت ياعزيز ايديك *** وراك وين مديت لك ايدى ...

... تحياتى ...

دمـــــــــــــــــــ الوردـــــــــــــــــــوع

... مشكا العقل مشكا شين *** مشكا مريض يوفى فجلته ...

مانى اللى نجدا تحت التراب ميت عزيز انعده لو كان فاتنى
يا عينى ما تبى تموتى ولى فات غلاك فوتى

ما طالهم حيين .. العقل قال نرجى الآخرة

نحساب السراب شراب ... بددت ماي يانا من العطش

الخاطر التمن فيه .. تمويح دار وارياف وجضر

عزيز حيرك يا عين ينشد اوقات واوقات ينكرك(مع تحيات شهودة)

» غناوي وشتاوي ع النار
» على خاطرك ياكورة
» فاهق الرحيل
» فاهق الكبد (غناوي وشتاوي)