أخترت لكم منوعات غناوي وشتاوي علي كل شي

تذكير بمساهمة فاتح الموضوع :

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

سطار في قرار الجرح ... واجع طبيب يا بال شايله

العقل واسع الجالات *** أضايق مع نار الغلا

غلا عزيز ناشك نوش ... معاك لو تماضى عوقك

الغلا غير حرق اكبود *** قليل وين لولاف يقسمو

القسم ما عليه صعيب ... ايجيبها اللي يطربلها

سمـاحة الغــلا تـرجاه ***واتضوق عازتـه ليـن تنـقهـر

عليك خاطري مليان ... نصيب غيظ والباقي غلا

شديد لا اكبر لا مـــــات *** طويل عمر ياسي فى الغلا

ارضي بياسهم يا عين ... وانسي اعزاز مرجاهم طول

م البخت كي ملالي عين *** عزيز جيرته ماطولت

يا ريت الغلا ما صار ... تباعد وجا كيده علي

ممتاز .
اخى الولهان

:lol!:

منووووووور ميري النور بيك وننتظر مشاركاتك

منووووورة بسانت وننتظر إبداعك ومشاركاتك

برين جروحنا عالفقد *** وخذينا علي قوله ساهله

العقل غير عزما زين *** الوقت فيه مودبر اشوي

تحياتي ,,,,,,, الولهان

امسك هذى عندك

دنيتنا فيت كواينها @ هاذا ماحصلنا منها

ام كلثوم قالت وانت معايا يصعب عليا رمشة عينيا*******وعبدالكافي قال العين من رغبها فيك نين كارها رمش هدبها

منورة بسانت وهذي ليك :

عذاب وفقد وأمواهيم *** في الدنيا وشي واجد أخري

صحيت أخي ميري عالمرور الطيب

وهذي ليك ع العين :

العين طالبة م الياس *** تعويض في تعاطيل حالها

نورت خوي المرجاوي

نطيت بالغطا مستوه *** اعزاز في منامي خايلوا

مرجا العقل للولاف *** اجبره نين على الياس روما

عزيز ما بلاه قعدت ... لوكان يارجا فيك فايده

عزيز والعزيز عزيز *** ويبقى عزيز ليوم لاخره

حتى نص دقيقة كافي .....نلحظ فيها اعز اولافي

تحياتي .... بنت الجبل الاخضر

» منوعات غناوي علم
» غناوي علم قويه
» اي فاهق وسع علي خاطرك بس
» غناوي وشتاوي ع النار
» ردود (غناوي وشتاوي)