غناوي وشتاوي ع الدار صح الصح

تذكير بمساهمة فاتح الموضوع :

دار قديمك حول عنها *** تلقط غير علايل منها

الدنيا ماهي دار ركاح *** غلا واجد درناه وراح

العقل قالي بالعقل *** ادير عزم وديار خاليه

اجداب شين جالدار *** يبس وطاك نين شققت

دار جداب ونسها غايب *** غير عليها ماني تايب

عندي دار عربها غابو *** لا ينتسيو ولا ينجابو

ارياف داربي يادار *** عزيز فيك مو فيك جايك

فالدار كيف انريد انطول *** ونا كفيف والقايد اذهب

مشاركاتكم اكيد لها دور كبير ياشباب ما تقصروش عطوا الدار حقها

هى عله ومعاها مرار .بعد فقد الغالى مالدار

عندي حق الدار انجيها ** ريت ايام دلالي فيها

رديت لاورا اوبكيت *** تخيلت خلا دارهم على

للدار قلت وين اعزاز :::::::::: وهى اتقول غابوا غيبتك

حلال ياالعين ابكاك .. عالحال موش عالدار والقدم

مــــــا إنريد يرافقني والي *** ماشي شــور إديار غوالي

بكيت ابكا ماعمره صار *** امرايف والقيتك يادار

حتت دموعها فى الدار *** اتقول ع البكاء واخذه كراء

الخاطر يبكي يا الانضار :::::::::: ايريد ايزور هذيك الدار

حتى وهم ماهم فيك ** نبرم عليك يادار لاجلهم

ما القيت شي درب ايشيل *** منك بعيد يادار القدم

عهدي بيها كي ماكانت ... لين الدار عليا بانت

ما نقعد فى الدار بلاكم :::::::::: حولتو نقرب يالاكم

دار غنايا مانك غابي..هي مرباي او هي مهلابي

تنهاني ياشديد العزم *** مطرا الدار لوكان نجبدو

ناسي دار قديم وهلها *** لاتشغلني لا نشغلها

سيوركل كابر نار *** يدفابها نصيب وتاكله

اقطع رأيى لدار مشيت *** ابنار على نارى رديت

رنوش كتب:: عندي حق الدار انجيها ** ريت ايام دلالي فيها

الدرياعزيز ابعدك حلفت ما نجيها واوجيتها
دار عزيزعليه حلاف غير الحي عليش ايوالف

العين شلتها للدار :::: انريدها املاهاه انعمت

انظاري ملويات اعطاش الدر ايجانها علي لطنلش

خلو الدار الله لا يرده * راس المال عزيز وعدا

لها زمان ما تنزار........طعمة دار لولاف غايبة

عول ياعقلي ع الشيله**قعدتنا في الدار طويلة

العين دوردت يا دار ... عليك ناظرة فيك عزها

» غناوي علم قويه
» اي فاهق وسع علي خاطرك بس
» غناوي وشتاوي ع شامت
» غناوي وشتاوي علي العين
» غناوي علم وشتاوي علي السيه