غناوي ع الياس

موضوع: غناوي ع الياس الإثنين أبريل 27, 2009 11:00 pm

تذكير بمساهمة فاتح الموضوع :

قديم وماعلينا فيه***شيل ايديك يا ياس عالجدد
الياس علي افراش الموت***لم ضناوينا وصاهم علي

ما تقصرو شباب ارسلو مشاركاتكم

& الناس هلبها الياس الكايد _ ونا ياسي ياسين وزايد _
& اللي ياسه ياسين وياس _ عليه اتعادي كل الناس _
& تقاسم الياس غلاي _ مال ناسه اشاكلت _
... نجك نجك...
بنت لاجواد.. ربي يحفظك

اهلبـوا كل شـى درناه ..... و امسكوا فـــى خطا جاب ياسهم

ايطيح في ناس علي ناس _ عليك فراسه فيه الياس _
ديما ياياسي وايتله _ وين يصح غلاي تشيله _
اتصبي ياعقلي للياس _ ولا تبقأ هزوا للناس _
علي ثقل احمولي فزيت _ الياس دفرته وافتكيت _
عندي فيه الياس تجارب _ ديما في الاصواب يحارب _

تسلم الجارح 22

شلد نين ملا المخالب ... سلم للياس الله غالب

علينا حطوا عيت الياس ... ارضينا بالمكتوب خلاص

العازه والياس رفيق **عزيز غاب خلانى لهن

& الياس في رحيل غلاي _ يبكي معاي ويقول ساهلا _
& ياياس اللي عدت عدت _ غير اطلقني فلي جدت _
& بعد قسميتي جابت ناس _ القيتك متفرج ياياس _
& بعد ماكان الياس خصيم _ اليوم امسلملي تسليم _
& ياس غنايا عارف طبه _ طاح نصيب احدي وصبه _
.. نجكم..

عزيز كنت نا وياه ..... لولا الياس روحين في جسد
.. نجك بنت لاجواد...

ما صار في غلانا ياس ........... اخلق نصيب لوكان لاجلنا

قسام الغلاء جاء ياس عليك بخيت ياعين بختنا

الدمع ما يجلي الياس *** أيزيدكن أرياف وتنعمن

سبب ياسك ياعين اعناد ** رخاك رخيتيه انتي زاد

الياس امسلمنى للياس .. بعد هكى اتمرميد خلاص

الياس حازني في خلو ... متباعد علي قول افزعوا

حرثن فيه نين جبرن *** شلال دمعتي يوم ياسهم

ارضى بياسهم يا عين وانسى عزاز مرجاهم طول
ايام الياس مكتوبات لهن اجل يا عين يكملن
بعد رديم الياس شقيت نار لولاف لهلبت
حتى والمواير ياس غلا عزيز نا ما نتركه
خلصت من ديون الياس العين لا عليها ولا لها
رحيل خاطرى مغلوب م الياس لا بات لا ركح
.. لك مني أجمل تحية ..

اتقول راضعين امعاه ::::::::: علقت الياس فينا طولت

وماقلتلك ياياس..ايجيك يوم تحت ايدي اتجي

طقاتك ياياس عصاتي..ماجيت الا وانا واتي

بعد رديم الياس :::::::::: شقيت نار لولاف لهلبت

عَزِيْز كنْت نا ويّاه +++ لُولا الياس رُوْحَيْن في جسَد

مسكتك يا ياس ابليدين ***** احسابك توا مو بعدين
سالم مسعود

واريت الغلا ع الياس .. عرف مطامري فيه ضرني

الياس في فراش الموت كلم ظناه وصاهم علي

صيور صبرنا ماحيه :: الياس مو على طول عمرنا

تماضي غلاك معاي ... حتي الياس ما طال يمسحه

علي ماقرقض في الياس..القيني عظمة بوغصاص

» الياس *الياس
» اي فاهق وسع علي خاطرك بس
» تعريف الياس في غناوة العلم والشتوة
» غناوي ع القسم
» غناوي علم