يا أصلى وعنوانى إهداء خاص

يا أصلى وعنوانى

يا حب فى دمى بين وريدى وشريانى

يا ضمتك اللى بترتب أفكارى بوجدانى

وتحمينى وترعانى

يا عيون سهرت تصلى وتدعى ولا يوم هتنسانى

آه يا حب قديم بيتجدد فى كل ليلى ونهارى

يا أصل عنوانى

عصفورك الصغير بقى له ريش وجناحين

وعش جديد ووليف وبنت وولدين

لكن القلب عمره ما نسى الحنين لأطيب الطيبين

فى حبك عاش سنين وهايعيش باقى السنين

أمى يا عنوانى

يا أم بكل المعانى

ربت وسمت وكبرت وضمت

واللى عمرها كله لينا و بالرضا عنا غنت

ولا عمرها سألت لمين أو ليه أو امتى؟؟

ولا الثمن طلبت

ما طلبت منا الا النجاح وبالبسمة فى وشنا طلت

آه يا عنوانى

الغاليه حنينها بوصلنى ولو بينا بلاد عدت

وتسأل وترضى ولو ولادها عنها انشغلت

وترحم وليدى ولا عمرها بحنانها عليا او عليه بخلت

مدت ايديها لوليدى وقالت: أعز ما عندى وضمت

ياما بنور حكمتها خرجتنى للنور من الضلمة اذا طلت

او الشرور عليا اتلمت

القاها الصدر الحنين وبالكلمة الطيبه هلت

والهموم انزاحت وولت

ومنها فيض النور والالهام طاقه وانفتحت

عليك النبى وصى ووفى

وكلمات الرحمن أكدت و اتوصت

أمى يا عنوانى

بالصبر ياما إِتحملت ألامى

ولا يوم قالت : ياما شيلت أو تعبت أو حتى إشتكت

ولا قالت خلاص التربيه إكتملت والعيال كبرت

دى لسه بتربى ولادى وتطعم أفواه وتأخد بأيادى

ده الحِجر يا ما عليه العيله اتملت

وبحنانها ورضاها الفرحة تمت

وياما هاتيجى أيام تلم وتكبر

ومن تحت أقدامها الجنة ندخل

يديم الصحة عليك يا ملكة بتسقينا الشهد والسكر

ياللى جِميلك فوق راسى عمره ما يتقدر

فداك روحى وقلبى ودنيتى وولدى

أه يا أصلى يا عنوانى

يا حب فى دمى بين وريدى وشريانى

جايه أقولك ....

بــحبــــــــــــــــــــــــكـــ

مشكور على طرحك الرائع والجميل

متابع لك باهتمام

كلمات رائعة واحساس اروع

ننتظر مزيد من التألق

مشكورين بارك الله فيكم علي ردكم جميل

» عـــــــــــــــزيـــز وغـــــــــالــــــــــــــــى* إهداء إلى................
» قـــــدرى أن أحــــــــــــبـــــــــــك (إهداء خااااااااااااااص)
» ^-^إهداء من القلب الى حبيبي ^-^
» إهداء إلي أمــير الغربة
» ::: إهداء بيت شعر لاعضاءمنتدى بدو ليبيا:::

يا أصلى وعنوانى ** إهداء خاص**

يا أصلى وعنوانى إهداء خاص