قصيدة البير من الثراث اليبي

( قصيدة البير )



قصيدة البير .. قصيدة شعبيه من عبق التراث الليبي الاصيل المعطر بلهجةالمنطقة الشرقيه لي ليبيا ....
للشاعر هاشم بو الخطابية ...


القصيدة على شكل سين وجيم بينه وبين بير ينقاله ( بير جعيده ) والبير هدا موجود غرب طبرق وكان الشاعر يرد عليه مع التيرس والنسون ... ومن بعد فارقه لفتره طويله بدت من عام 1911 بسبب الغزو الايطالي لي ليبيا

ولم يرد الشاعر هدا البير حتى عام 1942 حيث وقف عليه ووجده وعطلا ومهدما يطير منه البوم والحمام البري فهاجت نفسه وقعد يناجي في البير ...



المحاوره كالتالي :




الشاعر :

سوال النبي يا بير ما ورداتك .... ودلست سوالفها عــلي جلاتك ؟

سوال النبي يا بير ما وردنك .... بناويــت من لــون الـــغزلَّه جنّــك ؟

ونا صغير ومعاهن وهن يسقّنك .... ومجيهن إيديهن في شراب قناتك

يــرقن غراضي وين مــا يرعنّك .... ويــخــطر عليهن صوب في جيّــاتك



البير :

واجـــــــــــــد جــــــــنـــــــــــي .... بناويت وقرونهن طوال مثاني

عللهن مردع كيف حيط الباني .... وفيهن اللي غرّا بنار شواتك

ياك تنتصح وتسيب ه المعاني .... وتخفف على ذنبك نهار أمّاتك


الشاعر

سوال النبي يا بير تنهى فيّا .... ما ريــتــهن بيدك شغال الــغــيّه

ناو بوخجل فوق لكتوف وسيه .... مــيــعادنا دــيمــه على خرزاتــك

واليوم وين هوا ؟ صاحب عزيز عليا ... ودونه أكوام الكاس كي نزواتك


البير :

نـــلـــقــــنــها جـــتــنــي .... البنت اللي بقرونها غطّتني

ذرعانها وزنودها ورتني .... وعـــلّــت حجايج ما ثلن ولعاتك

وما من اللي غيرها وردتني .... وزال وقتها وتزول زاد حياتك


الشاعر :

سوال النبي يا بير وين مرادي .... اللي قــرونــها فوق لكتوف نضـادي

يعيرن دموعي كيف سيل الوادي .... ويخطر عليهن صوب وان سقاتك

واليوم منكشف يانك صباح العادي .... كـــاره مـــواهيــمــك بعد فاتاتك


البير :


لـــــــيــــــش تـــــجـــوــــنــي ؟ .... نا كنت باهي غير خامد عوني

لو كان ترتجع وين هم اللي جوني .... يا شايبا تبكي على ولعاتك

دايل عليهم حيط لو ياتوني .... فراسين كِسِّر يمسحوا دمعاتك ..

شكراااااااااااااااا
على مررررررورك
تحياتي

تسلم يا ذوق


تحياتي

بارك الله فيك

وعلى كلامك الطيب

اخى العزيز مشكور جدا

تقبل تحياتى

شكرااااااااااااااااااا
على مروركم الكريم
عقاب وابن ادريس
وانشالله ياعقاب
انشوفوك على ارض الوطن
تحياتي

ٍٍِِمشكورين لمروركم
الطيب والرائع
لمتصفحي المتواضع
لكم مني تحيا تي

بارك الله فيك
احسنت وابدعت
تقبل مروري
وتحياتي