ساعات يزهي خاطري ويروق

ساعات يزها خاطرى و ايروق .. و ساعات عندي ع الزمان احقوق
ساعات ننسا .. و ساعات نذكر و غيري ينسا
واوقات نسمع من بعيد الهمسا .. وأوقات تبيلك او نين انفوق
مرات فيه ادباره .. و مرات حلها يصعب على الدباره
و مرات حظ امواتيات أزهاره .. و مرات بختى تحت وانا فوق
ساعات مانى طايق .. ونغضب على الدنيا وها الخلايق
و ساعات علمي من عملهم ضايق .. و فكرى ايموج بعاصفه و ابروق
مرات مانى فاضي .. و مرات قاعد بالغصايص راضى
و مرات نبعد عن أشباح الماضي .. و نفرح ابطلعت شمس كل شروق
أوقات عقلي فايق .. وصافى معا نفسي او قاعد رايق
و لا انسال ف اللى فعلهم مو لايق .. امخللى على الخالق اكفا المخلوق
مرات فيه ملام .. اتعده على الصاحب و هو يلتام
و مرات تلفا لك أضغاث احلام .. بلا معرفه أحسن عليش الشوق
أوقات فيه جواب .. وأوقات تسكر جميع أبواب
وأوقات يبقا كل شي باحساب .. تشبح الناطق تعرف المنطوق
ساعات فيه احساس .. و ساعات تبنى بالمحبه ساس
و ساعات تشرب م المراره كاس .. يهون عليك الياس وان ايتوق
مرات فيه مساس .. و مرات ما ترضى جميع الناس
ومرات قالوا كان تقطع راس .. يبرن امعاه او ييبسن العروق
أوقات فيه دموع .. واوقات لعبك غير ف الممنوع
واوقات ما تقدر عليه ارجوع .. ولا عاد تفرق لا تجيب افروق
ساعات فيهن جوع .. وساعات تصبر تكسب المطلوع
و مالك الى غير الكريم اركوع .. ايجيب الفرج واينزله من فوق

للشاعر ياسين بوسيف ياسين
انشالله تنال اعجابكم

مشكور خوي فرحات علي مرورك نورت