سجل حضور هنا كل يوم بغناوة او شتاوة

تذكير بمساهمة فاتح الموضوع :

مشَيْت انْرِيْد انْعِدّ عَلَيْه اسْهِيْت قعَدْت انْرَضِّيفِيْه

اعزاز مالكين العقل ،،، ننساهم منامي ايجيبهم

هي مارت نسيت قديم انضات من نومي امطيبه

ما وعيت غير عليه .. ابكا الدار راني اموالفه

للغير ما نشيل انظري ****ربيعه اللي فيه سادني

امسيطر يا العزيز عليه ::::::::: انجيب العقل وتاخذ فيه

العين امجربها تجريب .. سعدها في لولاف عطيب

لوكان البكـــا جيــــــاب ... ره عزيز يا عيــــــن جايلك

هاك عزم داوي داك *** واحسن عزاك في صاحب الغلا

العقل حار ايش ايدير ،،شكواه عيب واسكاته مرض

الخاطر من لولاف جريح ::::::: ايساند فى روحه ويطيح

عليهاداشع يالقديم @@@الكبد ومسع جاك خصيم

زهاها عزيز و غاب .. العين ع البكا ما تلومها

الغناي,,,, ابراهيم بو عزيزه قال ,,,, مازلت يا عزيز عزيز من قال انك مانك انك

الشتاي مسعود زاز قال,,,,,, يالعزيز عزيز مكانك عندي من قال انك مانك

ما اتقول فيهن زول :::::::: بعد العزيز لوطان سوتهن

قديم نزل في عقلي دار *** ودار سوايا ماتندار

تباعد عزيز عليك .. حطي الكيد يا عين عالبكا

برين جروحنا عالفقد *** وخذينا على قولة ساهلة

زعمه يا نجوم الليل *** سمارة علي غالي لكن

اعشمت قسني في اعزاز جفوني جفاء فيه نازلو

مشاريف فوق الهذب *** يرجى الدمع في قولة خطر

اندور غير علي بكاي ... ايشيل عقاب الليل امعاي

يجفا عزيز كي ما يريد ... وانتي عليك يا عين باالوفا

علي
من تخطر ياالجديد ..... تنسيني من كنت انريد

اتريدك العين ربيع *** تزهى بيك على طول عمرها

كلا الصوب ما ننساه ...... يكفيني غلا لو يقسموا