شتاوي وغناوي علم عن الخيانه

السلام عليكم ورحمة الله وبركاته

ااخوتى الاعزاء اتمنى ان تشاركونى فى هذه الصفحه بان كل شخص عنه شتاوى وغناوي علم عن الخيانه يضعها وان اولكم

يخونو ويقولو القسام
انعنهم كيف ضنا صدام

***

ياخوان غلاي اجعنك
تشكي كيف مانشكي منك

***

اجعنك يا خاين اللولاف
مريض تعيط بيك اسعاف

***

الي خاني ربي يخونه
حادت في مفرق ترهونة

***

خونتهم في الخاطر بقيت
غضه لاحدرت لا رقيت

***

ان خان العشرة مايلتام
عرب خانت حتى صدام

***

مانحساب الخونة منهم
الي في البال محللهم

***

خان عزيز انديرو غيره
ماتصرا للعين بصيره

***

خونه في خونه في خونه
خاين بو ضحكة مجنونه

***

مسرع دار العزيز الخونه
لكن ريناها في عيونه

***

جعنك ياخوان الحب
مرض ايدز ومعاه كلب

***

انشاء الله يا خوان غلاي
كراسي سهريتك يلاي

***

مانحسابه تصير معايا
خونه من الناس الصلايا

**

هدية مني للخوان
جلطة ومعاها سرطان

***

جعنك يا خوان الصوب
انشوفك في الشارع مكلوب

اتمنى ان ينال اعجابكم وتشاركونى مع تحياتى ملاك

بسم الله الرحمن الرحيم

وعليكم السلام ورحمة الله وبركاته ... ملاك

نبكي موش غلا في اعيونه .. وجعتني ياناس الخونه.

تقبلي مروري
امير الغربة

خان غلاى وقسمى لطة ... خنجر بين ضلوعى حطه
نوضن يا الانضار تباكن .. لانوم ولا غالى جاكن

تقبل مرورى المتواضع

اعـــزاز مـــلوني مــلـيت بـيــــر ****** ســويا وانـحـازو للــغير
تحياتي ملاك وشكرا علي المشاركه الحلوا

اميرالغربة كتب:: بسم الله الرحمن الرحيم

وعليكم السلام ورحمة الله وبركاته ... ملاك

نبكي موش غلا في اعيونه .. وجعتني ياناس الخونه.

تقبلي مروري
امير الغربة

مشكور على المرور العطر انرت الموضوع بردك تقبل تحياتى ملاك

عشق كتب:: خان غلاى وقسمى لطة ... خنجر بين ضلوعى حطه
نوضن يا الانضار تباكن .. لانوم ولا غالى جاكن

تقبل مرورى المتواضع

مرورك المتواضع عطر الاصفحه وانارها

تقبلى تحياتى ملاك

فتي الصحراء كتب:: اعـــزاز مـــلوني مــلـيت بـيــــر ****** ســويا وانـحـازو للــغير
تحياتي ملاك وشكرا علي المشاركه الحلوا

مشكور على المرور العطر انرت الصفحة بردك

تقبل تحياتى ملاك

مانحسابه تصير معايا
خونه من الناس الصلايا

مشكورة أختي ملاك الحب...........ننتظر المزيــــــــــــــــــــــــــد

ريم البراري كتب:: مانحسابه تصير معايا
خونه من الناس الصلايا

مشكورة أختي ملاك الحب...........ننتظر المزيــــــــــــــــــــــــــد

مشكوره على المرور والمشاركه انرتى الصفحه

تقبلى تحياتى ملاك

جعنك ياخوان غلايا ...تقطع فيك الموت احدايا
خان غلاي ودار السوده ....واللي مزروعة محصودة
من خونة الاولاف وجاي ...نخلط في نومي ببكاي
اعياط المشتاقات وراك ...عشم ياخاين مايخطاك
جعنك ياخايني انا ...لاتعمر لاتدير ضنا
دعيت عليهم خوانين ...ونكره في قولت امين

ومزيد من التقدم ومشكروة علي الشتاوة السقع

زائر

جعنك يا خوان الصوب
انشوفك في الشارع مكلوب

مشكوره

اجعن دعاي يامرهون تلقاه في ضراري كبيدتك

الله ايسامحه الخوان_ _ وفينا معاه الصوب باعنا_تحياتي وصف الهميل

يا خاين لنظار اجعنـّك .. كيف كنادر بوش ايجنـّك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

... عزيز خذا ريات الناس *** ظلمنى بالخونه وخلاص ...

... مشكوره ملاك الحب على الموضوع وتقبلى مرورى ...

دمــــــــــــــــــ الوردــــــــــــــوع

الخونة بعد الأمان ... عديم ضمير اللي يديرها

[ندعوك للتسجيل في المنتدى أو التعريف بنفسك لمعاينة هذه الصورة]

خان عزيز سكت ياريته يزين للناس القته
خونتهم ماهى فى بالى هذا وين تعاطب حالى
واصعب شى فى الدنيا الخيانه وبالذات مع شخص يعنى لك الكثير فلا اتمنى احد يتعرض لمثل هذه المواقف

[ندعوك للتسجيل في المنتدى أو التعريف بنفسك لمعاينة هذه الصورة]

ياخوان غلاي اجعنك ... تشكي كي مانشكي منك

كيما غليت تهون ياما فقدنا من زويل حنون يابال حضرتك

خونتهم ماهى فى بالى هذا وين تعاطب حالى

[ندعوك للتسجيل في المنتدى أو التعريف بنفسك لمعاينة هذه الصورة]

» شتاوي وغناوي علم
» شتاوي وغناوي سنوات الضياع
» شتاوي وغناوي عالغلا
» شتاوي وغناوي علم عن النشدة
» مجموعة شتاوي وغناوي للشعراء