موسوعه الامثله الشعبيه

الوالدين زي الزرب البالي.
2. الوالدين زي الصيرة كان طاحت عليك تكسرك وكان طحت عليها اتكسرك (الصيرة: سور الحجار).
3. انشد على ولدك وانشد على رفيقه.
4. تعاركت أمي وبوي ماعرفت مع من انحامي.
5. الخال والد والشاهد ربي.
6. اللي يعطي بنته ييبّس مرقدها.
7. بنت العم كيف الوزرة الحمرا كول وامسح ايدك .
8. اللي تغدى بخوك تعشابيك.
9. الوالدين زي شبكة القندول ساعيها امساعاه (القندول نبات له شوك) .
10. كل شعبة تكسر لوادها (الشعبة الساقية الصغيرة).
11. اللي قفلت الباب طيبة ، الله : لا يقفل بابه.
12. في وسط ناسك تنعرف بجناسك ، وفي غير ناسك تنعرف بلباسك.
13. اللي تفكر سوايا خوه جفاه .
14. والله لو تنتفها يا عمي ماني امبطل.
15. دير راي ولديك ساس وابني عليه.
16. اللحمة ما تكبر كان في عظمها.
17. ليد بلا أختها ما تصفقش.
18. جا ايعاون فيه على قبر أمه ، هرب بالفاس وخلاّه.
19. ما تقول ولدي نين ايفوت خشم الجرارة.
20. يا ريت لي خي حتى من هجينه.
21. اللي اديره في خوك .. ايديره فيك الزمان ، واللي أدّيره في مالك .. أيديره فيك الزمان.
22. ضني السو اللي بان منه السو .. ادعيله بالصلاح وساعده ،وجار السو اللي بان منه السو .. أرحل بالاطناب وباعده.
23. اللي من تالا النسا .. يبات في الكسا ، واللي من تالا الرجاله ايبات في شعاله.
24. بهلول من يزرع الفول .. مابين قفصه وياله ، وبهلول من ياخذ القول في صاحبه راس ماله.
25. عمك جيبك.
26. شن دخّل النساوين في حديث التريس.
27. خوك المشوم تلقاه يوم.
28. لا أختك ولا بنت عمك .. ولا التاليه من عيالك ، عليك اليا ماتت أمك .. صديق النسا ما بقالك.
29. ياريت خوتي ثلاثين.. وضنا عمي ابزايد ، لا ياكلوا لقمة الدين .. ولا يلبسوا جرد بايد.
30. اجعل اللي من تالانا يغلب.
31. الخو الخايب سلـّوم لعدا.
32. امقطره من السقف.
33. عوج العكوز من راسه.
34. كان بدا القاطر من الكربه وين يمشوا هل البيت.
35. الكدر من راس العين.
36. أم الولد ما تضحك على ام المشنو.
37. ام البنت ما تضحك على ام الشانع.
38. القربه ما تطيح على فمها والطفلة ما تتحشم من أمها
39. الغرارة الصحيحة والمرا الشحيحة.
40. على عيون الزيت تتاكل الفيتوره.
41. كان صبت اندبي وكان شحّت اندبي.
42. اللي تديره في الرخيص تلقاه في الغالي.
43. كان الولد يعرفه بوه.
44. جارك اللي ما شاف وجهك ايشوف قفاك.
45. لا جار لا نقـّال أخبار.
46. قال لها عليش تبكي ؟ أن غاب البن ايجيك الشن وان غاب الشن انجيك انا. قالت له هضا من ايش بكيت انا.
47. غير يولد ويسموه.
48. غير انقمطوا لول.
49. بنت العره تطلع حره.
50. قسم البتاتي ياتي.
51. باريك من ثلاث : الضمانه وترجيع المرا الغضبانه واستنى لين انجيك نا.
52. ضنا الشارب يخدم عـ اللحية وضنا اللحية يعثروا فيه العزايات.
53. خوك اذراعك.
54. خوك جناحك.
55. اللي شد صبع من اليد شد اليد كلها.
56. اللي عضك وقّضك لسنونك.
57. اللي ادّيره في بوك ايديره فيك ضناك.
58. فقر خوك من سعدك.
59. اللي طابقه اصنان ما يقطعاش
60. اللي يقطع ايده ما يلقاش بيش ياكل.
61. اللي ادّير في الطين تلقاه في الجبس.
62. أقتلوا اكبارهم اما اصغارهم يقتلهم عرفهم (قل المعرفة والخبرة).
63. مصارينه على الشعال.
64. صبعي رخشلي عيني.
65. اسنوني عضوا لساني.
66. ايدك ضرباتك.
67. الرحم رحمه.
68. الدم ما يرقدش.
69. وين دمك وين همك.
70. تعاركوا الاخوات جدت على البهلولات.
71. يا ريت لي وليّه في كل ثنيّه وفي كل قوس فارس.
72. الخوات يحموك في ميعاد النسا.
73. خيك ولد امك حليبه صافي .. يقطع معاك البر حتى حافي.
74. اللي تتركه اتعيش بلاه.
75. عند الله أمه ما جاباته وأخته ما حلفت بيه.
76. نشرب كاسي ونرقد مع ناسي ولا يقولوا بنت ساسي.
1. العادات والتقاليد

1. العمر بعداده.
2. مخنوبه قرفتها مكسورة ايدها.
3. يومك يومك.
4. ضرب الطوب ولالهروب.
5. قولة زوز ولا السفالة.
6. إجبد ولا ترد حتى الجبال تنهد.
7. اخدم تلقى ما تدس.
8. احراف تعراف.
9. اربط تلقى ما تحل.
10. اطرح النية يستوي لحساب.
11. امش بالنية وارقد مع الحية.
12. المبلول ايش همه في القاطر.
13. أخنب تنجى، اخنب تنجى، انخنب تحصل.
14. انشد السواسي على طيبين اللبن.
15. ود الحبيب للجيب التمر والحليب.
16. السانية تطيح من فمها.
17. أم الذلال لا تفرح لا تحزن.
18. واحد من الخربقه يهلس.
19. ما اجراني بعد ما سلبوني.
20. قلوب الرجال مخازن.
21. اللي يدير التريس في ظهره ما يرقدش النوم.
22. اللي رقد رقدت عليه أيامه.
23. فقاعة القاع.
24. يحسدوك في دم وجهك.
25. العقل فات الزين بياسر.
26. الزين ما نقّع فيه حد لقمه.
27. حاحي وربعك ثابت.
28. العرمه على كيّالها.
29. ساف الملح.
30. واخذ من السما شقفه.
31. مغزل الشياري.
32. كركوبة فجر.
33. شيباني اعليجه.
34. يا خبيزه ما تنكسري ويا بطينه ما تجوعي.
35. السكه ما تركب كان